Delegert frå kommunestyret/planutvalet/formannskapet

I utgangspunktet blir alle delegerte vedtak der myndigheten er delegert frå kommunestyre/planutval/formannskap referert for kommunestyret/planutval/formannskap. Saksbehandlar legg då på "utvalgsbehandling" i sak-/arkivsystemet som fører til at vedtaket blir referert for rett utval. Alle slike vedtak, som ikkje er unntatt offentligheit, blir publisert i fulltekst under det aktuelle møtet i innsynsmodulen. Slik er det lett for politikarar og andre interesserte å lese desse vedtaka.

Dersom vedtaket er unntatt offentlegheit blir ikkje sjølve dokumentet publisert, berre tittelen. Politikarane må be om å få sjå dokumentet dersom dei er interessert. Dette bør dei gjere i forkant av møtet. Då kan vi gi ut ein sladda variant. Dersom det er viktig for saka kven vedtaket gjeld, eller å sjå andre detaljar som er unntatt offentlegheit, kan dei og få dokumentet usladda.

Andre interesserte må be om innsyn på vanleg måte, og saksbehandlar må vurdere om det kan gis innsyn i delar av eller heile dokumentet.

I tillegg til dei vedtaka som fattast i sak-/arkivsystemet er det og mange klientvedtak som fattast i andre fagsystem.
 

Delegert frå administrasjonsutvalet

Frå 01.01.2020 tok kommunen i bruk HR-portal. Mange personalvedtak som t.d. permisjonar blir behandla i portalen, og ikkje lenger som delegerte vedtak i sak-/arkivsystemet. Frå 2021 blir ikkje slike vedtak refererert for administrasjonsutvalet.

Tilsettingsvedtak der myndigheten er delegert frå administrasjonsutvalet blir referert for administrasjonsutvalet. Saksbehandlar legg då på "utvalgsbehandling" i sak-/arkivsystemet som fører til at vedtaket blir referert. Alle slike vedtak, som ikkje er unntatt offentligheit, blir publisert i fulltekst under det aktuelle møtet i innsynsmodulen. Slik er det lett for politikarar og andre interesserte å lese desse vedtaka.

Frå januar 2023 har kommunen beslutta å ikkje bruke personnavn i dokument- og filtitlar. Dette innebærer at delegerte tilsettingsvedtak ikkje lenger har den tilsettes navn i tittelen. Politikarar som lurer på kven som er tilsett må klikke seg inn i vedtaket for å sjå dette.