Åmli kommune har sentralisert postmottak.

Inngåande post blir levert til arkivtenesta i Informasjonssenteret. Her opnast og kommunens epost til post@amli.kommune.no og til Altinn og SvarInn i sak-/arkivsystemet.

Arkivtenesta opnar post for dei fleste einingane, føretek arkivavgrensing, registrerer arkivverdig post i sak-/arkivsystemet og fordeler til saksbeahandlar i systemet. Inngåande papirdokument som er skanna blir lagra i låst skap i ein periode (minimum ein månad) før det blir makulert.

Post til kommunens fagsystem kjem delvis til sentralt postmottak, men i hovudsak direkte til rett eining, for registrering og arkivering. Mykje kjem og digitalt til Altinn/SvarInn. Det som kjem til sentralt postmottak blir lagt i hylle til rett eining.
Eining for Helse- og velferd, Eining for habilitering og ressurs og PPT registrerer eigen post inn i sine respektive fagsystem.

Personleg adressert post leverast til rette vedkomande. Dersom det skulle vise seg å vere firmapost må saksbehandlar straks levere posten tilbake til vanleg postrutine. Vedkomande kan gi arkivtenesta fullmakt til å opne sin post. Dette gjerast i så fall skriftleg.

Arkivverdig inngåande papirpost som skal i sak/arkivsystemet, og som ikkje først har kome til Informasjonssenteret/arkivtenesta, skal straks leverast frå mottakar til arkivtenesta for registrering og journalføring.

Alle saksbehandlarar eksporterer inngåande epost som kjem til sin Outlook til sak-/arkivsystemet sjølv. Arkivtenesta kvalitetssikrar ved journalføring og ved dagleg kontroll av postliste.
Kommunen oppmodar likevel innbyggjarar og samarbeidpartar å sende post direkte til postmottak/Altinn.